ზუგდიდის მუნიციპალიტეტის მერიის შენობის ნაწილის სარეაბილიტაციო სამუშაოებისთვის ადგილობრივი ბიუჯეტიდან 98 440 ლარი გამოიყო. შესაბამისი ტენდერი ზუგდიდის მერიამ უკვე გამოაცხადა.

სატენდერო დოკუმენტაციის თანახმად, საუბარია ადმინისტრაციული შენობის მე-3 სართულის ოთხი ოთახის, ასევე, მე-4 სართულის დერეფნის, 2 ერთეული სველი წერტილის და სამუშაო ოთახების, ადმინისტრაციული შენობის სარდაფის გადატიხვრის და არქივის (ყოფ.ავტოფარეხის) შენობის სარეაბილიტაციო სამუშაოებზე.

ტენდერში წინადადებები 15-დან 18 ივლისის ჩათვლით მიიღება. გამარჯვებულმა კომპანიამ სამუშაოები ხელშეკრულების გაფორმებიდან 50 სამუშაო დღეში უნდა დაასრულოს.