უკრაინაში დაღუპულ 54 წლის გელა გოგიას სენაკში საგვარეულო სასაფლაოზე დღეს სამხედრო პატივით დაკრძალავენ. ამ წუთებში მისი სამოქალაქო პანაშვიდი საკუთარ სახლში მიმდინარეობს. გელა გოგიას ცხედარი საქართველოში 3 სექტემბერს ჩამოასვენეს. ქართველი მებრძოლი 26 აგვისტოს უკრაინაში, კრამატორსკის მიმდებარედ, ალყაში მოხვედრისას მძიმედ დაიჭრა და მისი გადარჩენა ვერ მოხერხდა. მას მეუღლე და 2 შვილი დარჩა.

უკრაინაში ომის დაწყების შემდეგ 19 ქართველი მებრძოლი დაიღუპა.