ახალი ამბები
ზუგდიდში კლასიკური მუსიკის ფესტივალი და საპატიო ზუგდიდელის დაჯილდოების ცერემონია გაიმართება
"ხელოვნებისა და კულტურის განვითარების ცენტრის" ინიციატივითა და ზუგდიდის მუნიციპალიტეტის მერიის მხარდაჭერით, 28 სექტემბერს, 19:00 საათზე, დადიანების სასახლეთა ისტორიულ-არქიტექტურული მუზეუმის ეზოში, ზუგდიდის პირველი კლასიკური მუსიკის ფესტივალი და საპატიო ზუგდიდელის დაჯილდოების ცერემონია გაიმართება. ინფორმაციას ამის შესახებ ქალაქის მერია ავრცელებს. მათივე ცნობით, კლასიკური მუსიკის ფესტივალი ტრადიციულ სახეს მიიღებს და ის ყოველწლიურად ზუგდიდში ჩატარდება.

ღონისძიებაზე დასწრება თავისუფალია.
Print