სამეგრელო-ზემო სვანეთის პოლიციის დეპარტამენტის თანამშრომლებმა განსაკუთრებით დიდი ოდენობით ნარკოტიკული საშუალების უკანონოდ შეძენა-შენახვის ბრალდებით 1983 წელს დაბადებული მ.ქ. დააკავეს. შინაგან საქმეთა სამინისტროს ინფორმაციით, მისი პირადი ჩხრეკისას, პოლიციამ 100 აბი ნარკოტიკული საშუალება "სუბოქსინი" ნივთმტკიცებად ამოიღო.

უწყების ცნობით, დიდი და განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ფაქტზე გამოძიება საქართველოს სისხლის სამართლის კოდექსის 260-ე მუხლის მე-6 ნაწილით მიმდინარეობს. დანაშაული 8-დან 20 წლამდე ან უვადო თავისუფლების აღკვეთას ითვალისწინებს.