საქართველოს ნაკრებისა და იტალიური "ნაპოლის" შემტევი 21 წლის ხვიჩა კვარაცხელია ცნობილმა ბრიტანულმა გამოცემამ The Guardian მსოფლიოს 100 საუკეთესო ფეხბურთელის სიაში შეიყვანა. ქართველი ფეხბურთელი სიის მე-40 ადგილზეა.

"კვარაცხელიამ ხელი შეუწყო "ნაპოლის" ცხრილის სათავეში ასვლას და გუნდმა შესაძლოა 1990 წლის შემდეგ პირველად მოიპოვოს ჩემპიონობა. მისი მეტსახელი, კვარადონა, ყველაფერს ამბობს", - ვკითხულობთ გამოცემის გვერდზე.

ხვიჩა რეიტინგში ისეთ ცნობილ ფეხბურთელებე მაღლა მოხვდა, როგორიცაა კრიშტიანუ რონალდუ.