ზუგდიდის ბოტანიკური ბაღი დღეს ბავშვებს უფასოდ უმასპინძლებს. ბავშვთა დაცვის საერთაშორისო დღესთან დაკავშირებით, ნებისმიერი ასაკის ბავშვისთვის ბაღში შესვლა მთელი დღის განმავლობაში უფასოა. ააიპ-ის დირექტორის შალვა აგუმავას ინფორმაციით, მათ თანხმლებ უფროსებს, ჩვეულებრივ 2-2 ლარის გადახდა მოუწევთ.

სხვა დღეებში 10 წლის ზემოთ ასაკის მოზარდებისთვის ბოტანიკურში შესვლა 1 ლარი ღირს.

რაც შეეხება პროგრამას, საბავშვო ღონისძიებები ბოტანიკურში დღის 3 საათზე დაიწყება და საღამომდე გასტანს. დაგეგმილია თოჯინების თეატრი, საბავშვო კონცერტი, სახის მოხატვა, ნახატების გამოფენა-გაყიდვა, ხელნაკეთი აქსესუარების გამოფენა-გაყიდვა, ანიმაციური გმირები, რობოტები და ქაფის შოუ, თიხაზე მუშაობის მასტერკლასი, თექაზე მუშაობის მასტერკლასი და სხვა გასართობი აქტივობები.


ფოტო: ზუგდიდის ბოტანიკური ბაღი