აფხაზმა მაშველებმა დღეს დილით გუდაუთის მდინარე ბზიფის შესართავთან, სოფელ კალდახუარასთან, ადგურ ბგეუს ცხედარი იპოვეს. 26 წლის მამაკაცი 5 დღის წინ გაუჩინარდა. სამაშველო - სამძებრო სამუშაოებში აფხაზეთის დე ფაქტო რესპუბლიკის საგანგებო სიტუაციების სამინისტროს თანაშრომლების გარდა, გაუჩინარებულის ნათესავებიც იყვნენ ჩართულები.

უფრო ადრე, 4 ივნისს, რიწის ხეობაში, "საგანგებოს" თანამშრომლებმა მდინარეების ბზიფის და გეგას შესართავთან, სავალი ნაწილიდან გადავარდნილი Hyundai Accent  - ის მარკის ავტომობილი იპოვეს. ძიებას წვიმების გამო მომატებული წყლის დონე და ძლიერი დინება ართულებდა.

წინასწარი ვერსიით, შეჯახების შედეგად მძღოლი მდინარეში ჩავარდა.