27 ნოემბრიდან 28 ნოემბრის ჩათვლით დასავლეთ საქართველოში მოსალოდნელია წვიმა. ინფორმაციას გარემოს ეროვნული სააგენტო ავრცელებს.

ამავე ცნობით, ქვეყნის ტერიტორიის უმეტეს ნაწილზე იქროლებს დასავლეთის მიმართულების ძლიერი ქარი, მარალმთიან რეგიონებში კი მოთოვს. ზღვაზე შესაძლებელია 5-6 ბალიანი შტორმული ღელვა.

სინოპტიკოსები მოსახლეობას აფრთხილებენ, რომ მოსალოდნელმა ნალექებმა, შესაძლებელია, დასავლეთ საქართველოს მთიან და გორაკ-ბორცვიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს. მთიან და მაღალმთიან რეგიონებში მოსალოდნელი დიდთოვლობის, ზვავსაშიშრიების და ხილვადობის გაუარესების გამო, საავტომობილო გზების ცალკეულ მონაკვეთებზე, შესაძლოა, შეიზღუდოს ტრანსპორტის მოძრაობა.