ზუგდიდის მუნიციპალიტეტის სოფელ ჭითაწყარის საჯარო სკოლის სრული რეკონსტრუქციისა და რეაბილიტაციისთვის 2 783 325 ლარი დაიხარჯება. აღნიშნული თანხა მსოფლიო ბანკისგან საქართველოსთვის გადმოცემული თანხის ნაწილია. შესაბამისი ტენდერი მუნიციპალური განვითარების ფონდმა უკვე გამოაცხადა.

შესყიდვების ელექტრონულ ვებ-გვერდზე გამოქვეყნებული ინფორმაციის თანახმად, გამარჯვებულმა კომპანიამ სამუშაოები ხელშეკრულების დადებიდან 15 თვეში უნდა დაასრულოს.

ტენდერში წინადადებები 24-დან 28 მარტამდე მიიღება.