წალენჯიხის მუნიციპალიტეტის სოფელ ეწერფერდში მდებარე მაღალი ძაბვის ელექტროგადამცემი ხაზები მწყობრიდან გამოვიდა და შედეგად, მოკლე ჩართვა მოხდა. ამის შესახებ რადიო "ათინათს" მუნიციპალიტეტის მერის მოადგილემ თამარ ბელქანიამ უთხრა.

"შემთხვევა, დაახლოებით, 10:45 საათისთვის მოხდა, იყო ძლიერი ხმა და კვამლი. ანძა კერძო მოსახლის ტერიტორიაზე მდებარეობს. მოსახლეობა შეშინდა, რადგან თხილნარშიც გავრცელდა კვამლი. საქმის კურსში შესაბამისი სამსახურები უკვე ჩაყენებულია, მათ შორის,  სახანძრო- სამაშველო და პოლიცია. ხალხთან მუდმივ კონტაქტზე ვართ, სოციალურ ქსელში გამოვაქვეყნეთ, რომ პერიმეტრს არ გაეკარონ. ახლა მიმდინარეობს მუშაობა და უახლოეს ხანებში აღდგება გადამცემის მუშაობა", - ამბობს ბელქანია.

მისივე თქმით, ეწერფერდში მცხოვრებლებს ელექტროენერგია, სავარაუდოდ, შეზღუდულად მიეწოდება.


ამავე თემაზე: 

ჭალეში ოჯახმა, რომლის ეზოში ელექტროგადამცემი სადენები უნდა გაატარონ, სახლი დატოვა

ჭალეში ადგილობრივები საპროტესტო აქციას მართავენ

მოსახლეობის მოთხოვნები „ენერგოტრანსის“ მიმართ და პრეტენზიები ეპარქიისადმი - აქცია ჭალეში (ვიდეო)