გვარი შონია მე-16 საუკუნიდან მოიხსენიება. XVI საუკუნეში შედგენილ ნუსხაში ხოფის ტაძრის ყმა გლეხების თეთრის გამოსაღებისა ჩაწერილია ბევროზა შონია. 1621 წელს შედგენილ აფხაზეთის საკათალიკოს მოსაკრებლების დავთარში ხაუჟელის მკვიდრ ყმა-გლეხთა სიაში ჩაწერილნი არიან უჩარდია და თენა შონიები წყაროში დასტურდება ამ გვარსახელის ფონეტიკური ვარიანტი შუნია.

1621 წელს შედგენილ აფხაზეთის საკათალიკოს მოსაკრებლების დავთარში ჩართულ თილითის მკვიდრ ყმა-გლეხთა სიაში ჩაწერილი არიან მიხილია შუნია, ბებელია და მამა შუნია.