შენი გვარის ისტორია
ქვარაია
ქვარაია არცთუ მრავალრიცხოვანი მეგრული საგვარეულოა. 1995 წლის მონაცემებით მთელს საქართველოში სულ რაღაც 650 ამ გვარის კაცი იყო. აქედან ზუგდიდში ცხოვრობს 452, ხობში 78 , ხოლო თბილისში 47 ქვარაია. გვარის ძირითადი სამკვიდროა სოფელი ორსანტია, სადაც ამ გვარის 56 კომლი ცხოვრობს. გარდა ამისა 18 კომლი ქვარაია სახლობს ზუგდიდის მომიჯნავე სოფელ ჭითაწყარში, 17 კომლი სოფელ ხიბულაში. ქვარაიები ცხოვრობენ, ოღონდ შედარებით ნაკლები რაოდენობით სოფლებში - ჯოღედიანში( ჯოღეჯიანში), რომელსაც დღეს ინგირი ჰქვია 6 კომლი, ყულიშკარში 5 კომლი, ზანაში 4 კომლი, განარჯიშ მუხურში 3 კომლი

ქვარაია თიკუნური წარმომავლობის გვარსახელი ჩანს. მსუქანი, დიდმუცელა კაცს ზედმეტსახელად უნდა შერქმეოდა ქვარაია, ეს ზედმეტი სახელი ანუ თიკუნი კი ამ კაცის შთამომავლებს გაუგვარდათ. გვარსახელთა წარმოშობის ამგვარი არაერთი შემთხვევა იცის ისტორიამ.

Print