სამეგრელოდან ლუგარის ცენტრში 27 აპრილს გაგზავნილი 52 ნიმუშიდან ნაწილის პასუხი ცნობილია. სამხარეო ადმინისტრაციის ცნობით, 23 უარყოფითია, ხოლო დანარჩენ 29-ის პასუხს დღეს ელოდებიან. აქედან, 25 ნიმუში ფოთიდანაა გაგზავნილი, მათგან 23 - მედპერსონალის ბიოლოგიური მასალაა.

რეგიონში საგანგებო მდგომარეობის რეჟიმით დადგენილი მოთხოვნების წესების დარღვევისათვის 3 პირი დააჯარიმეს.

რაც შეეხება ანაკლია-განმუხურის საკარანტინო სივრცეს, აქ ამ დროისთვის 85 პირი იმყოფება. თვითიზოლაციის პერიოდს კი 186 პირი გადის. ჯამში თვითიზოლაცია 872 მოქალაქეს მოეხსნა.