ოპერატიული შტაბის ინფორმაციით, გასული 24 საათის განმავლობაში აფხაზეთში კორონავირუსზე კვლევა 23 ადამიანს ჩაუტარდა. ტესტირების შედეგად Covid-19 დაუდგინდა მოსკოვიდან დაბრუნებულ კიდევ ერთ კურსანტს. მას სამკურნალოდ გუდაუთის საავადმყოფოში გადაიყვანენ, წერს "აფსადგილ ინფო". 

ოკუპირებულ აფხაზეთში დღეის მონაცემებით კორონავირუსით ინფიცირების 37 შემთხვევაა გამოვლენილი. 27 ადამიანი გამოჯანმრთელდა, ერთი პაციენტი კი გარდაიცვალა.