სამეგრელო-ზემო სვანეთის მასშტაბით კორონავირუსი კიდევ 217 ადამიანს დაუდგინდა. ამის შესახებ უწყებათაშორის საკოორდინაციო საბჭოსთან არსებული ოპერაციული შტაბის უფროსის მოადგილემ, ბერდია სიჭინავამ თქვა. მისივე ინფორმაციით საქართველოში კორონავირუსის 2 904 ახალი შემთხვევა გამოვლინდა. ქვეყანაში პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა კი 206 907-ს შეადგენს.

ბოლო 24 საათში ვირუსისგან გამოჯანმრთელდა 4 316 პირი, ხოლო ჯამში გამოჯანმრთელებულთა რაოდენობა გაიზარდა 175 842-მდე.

საქართველოში კორონავირუსით კიდევ 53 ადამიანი გარდაიცვალა. პანდემიის გავრცელებიდან დღემდე ვირუსს ჯამში 2 055 პირი ემსხვერპლა.