სამეგრელო-ზემო სვანეთის ხუთ კოვიდმიმღებ კლინიკაში ვირუსით ინფიცირებული 176 ადამიანი მკურნალობს, მათგან 6-ის ჯანმრთელობის მდგომარეობა მძიმეა, 29-ის კი საშუალო სიმძიმის.

ბოლო 24 საათის განმავლობაში რეგიონში კორონავირუსი 44 პირს დაუდასტურდა, ქვეყნის მასშტაბით კი ინფიცირების 769 ახალი შემთხვევაა გამოვლენილი. ბოლო დღე-ღამის განმავლობაში ვირუსისგან გამოჯანმრთელდა 460 ადამიანი, მათგან 49 სამეგრელო-ზემო სვანეთში. ვირუსს ქვეყანაში კიდევ 17 ინფიცირებული ემსხვერპლა.

ამ დროისთვის რეგიონის საკარანტინო სივრცეში 11 ადამიანი იმყოფება.