სამეგრელო-ზემო სვანეთის სამხარეო ადმინისტრაციის ინფორმაციით, გასული დღე-ღამის განმავლობაში რეგიონის მასშტაბით კორონავირუსით კიდევ ერთი ადამიანი გარდაიცვალა. 58 წლის მამაკაცი ხობის მკვიდრია. ის რუხის საავადმყოფოში მკურნალობდა.

ამ ეტაპზე რეგიონის მასშტაბით არსებულ კოვიდმიმღებ დაწესებულებებში 491 პირი გადის მკურნალობის კურსს. მძიმეა 39 პაციენტის ჯანმრთელობის მდგომარეობა.

საკარანტინე სივრცეში 26 კოვიდინფიცირებული იმყოფება.

დღის განმავლობაში გამოჯანმრთელებულ პირთა რაოდენობა 167-ს შეადგენს.