აფხაზეთის დე ფაქტო რესპუბლიკის ოპერატიული შტაბის ინფორმაციით, კორონავირუსზე კვლევა 106 ადამიანს ჩაუტარდა და გამოვლინდა ინფიცირების 37 ახალი შემთხვევა. ამავე ცნობით, ბოლო დღე-ღამის განმავლობაში გაგრის ცენტრალურ საავადმყოფოში 81 წლის ქალი გარდაიცვალა

ამ ეტაპზე, აფხაზეთის სამედიცინო დაწესებულებებში, 67 ინფიცირებული მკურნალობს. მძიმეა 17 პაციენტის ჯანმრთელობის მდგომარეობა.

პანდემიის გავრცელებიდან დღემდე აფხაზეთში ინფიცირების 53 087 შემთხვევა აღრიცხეს, გარდაიცვალა 670, გამოჯანმრთელდა 48 734 ადამიანი.