ცენტრალურ საარჩევნო კომისიაში პროკურატურა შევიდა. ინფორმაციას მთავარი პროკურორი ირაკლი შოთაძე ჟურნალისტებთან საუბარში ადასტურებს.

მისი თქმით, გამოძიება აუდიტის დასკვნის საფუძველზე დაიწყო.

“არსებობდა გარკვეული დანაშაულის ნიშნები. ეს უნდა გადაამოწმოს გამოძიებამ”, – აცხადებს შოთაძე.

ცესკოში არსებულ ფინანსურ დარღვევებთან დაკავშირებით აუდიტის სპეციალური დასკვნა გამოქვეყნდა, სადაც საუბარი იყო გრანტების გაცემასა და სხვა ფინანსურ ტრანზაქციებთან დაკავშირებულ დარღვევებზე.