სახელმწიფო უსაფრთხოების სამსახურის განცხადებით, უწყებები „ნაციონალური მოძრაობის“ იმ წევრებს გადაეგზავნებათ, რომლებიც ინტერნეტით გავრცელებულ ჩანაწერში ფიგურირებენ.

"მედიით გავრცელებულ ფარულ ჩანაწერებთან დაკავშირებით, სახელმწიფო უსაფრთხოების სამსახურის კონტრდაზვერვის დეპარტამენტში დაიწყო გამოძიება საქართველოს სსკ-ის 315-ე მუხლის 1-ლი ნაწილით, რაც გულისხმობს შეთქმულებას სახელმწიფო ხელისუფლების დასამხობად ან ხელში ჩასაგდებად. მოხდება მედიით გავრცელებული ჩანაწერების წარმომავლობისა და ავთენტურობის დადგენა“, - აღნიშნულია სუს-ის განცხადებაში.