ბოლო 24 საათში ქვეყნის მასშტაბით კორონავირუსზე 18 015 ადამიანი გამოიკვლიეს და დადასტურდა ინფიცირების 396 ახალი შემთხვევა. აქედან 27 სამეგრელო - ზემო სვანეთში დაფიქსირდა. Stopcov.ge-ზე გამოქვეყნებული ინფორმაციით, საქართველოში Covid 19-ის პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს 268 097-ს.

ბოლო 24 საათში ვირუსისგან განიკურნა 469 პირი, მათგან 30 სამეგრელო-ზემო სვანეთში. ჯამში გამოჯანმრთელებულთა რაოდენობა გაიზარდა 261 066-მდე.​

ამ ეტაპზე ინფიცირების მიმდინარე 3 580 აქტიური შემთხვევიდან 1 769 ადამიანი საავადმყოფოში მკურნალობს. სამეგრელოს კოვიდმიმღებ კლინიკებში 142 პაციენტი გადის მკურნალობის კურსს.

კორონავირუსით ქვეყანაში კიდევ 19 ადამიანი გარდაიცვალა, მათ შორის 1 აბაშის მკვიდრია. ვირუსს ჯამში 3 425 პირი ემსხვერპლა.