"რუსთავი 2"-ის მხარდასაჭერად სამეგრელოდან 500-მდე ადამიანი გაემგზავრა
ტელეკომპანია "რუსთავი 2" -ის მხარდასაჭერ აქციაზე სამეგრელოდან
500-მდე ადამიანი გაემგზავრა, მათ შორის,
300 - ზუგდიდიდან. ამის შესახებ რადიო "ათინათს" პარტია "ნაციონალური
მოძრაობის" წევრმა ანა წითლიძემ უთხრა.
"მივდივართ, რათა დავიცვათ სიტყვის თავისუფლება... მივდივართ
იმისთვის, რომ საქართველო დავიცვათ ბიძინა ივანიშვილისგან", - თქვა
წითლიძემ.
სამაუწყებლო კომპანია "რუსთავი 2"-ის მხარდასაჭერად, 19 თებერვალს,
რუსთაველის გამზირზე საპროტესტო აქცია გაიმართება. ტელეკომპანიის
მხარდამჭერ აქციას სამოქალაქო სექტორის, საპარლამენტო და
არასაპარლამენტო ოპოზიციის ნაწილი შეუერთდება.
აქციის ორგანიზატორების განცხადებით, უზენაესი სასამართლო
ხელისუფლების ზეწოლით ტელეკომპანია "რუსთავი 2" - ის საწინააღმდეგო
გადაწყვეტილების გამოტანას აპირებს. პროტესტის ნიშნად, 18 თებერვლიდან
"რუსთავი 2" საპროტესტო მაუწყებლობაზე გადავიდა, ტელეკომპანია "მარაო"
და ,,კომედიარხი" და "რუსთავი 2"-ის ვებგვერდი გათიშულია. აქცია დღეს,
14:30 საათზე გაიმართება.
მასალის გამოყენების პირობები