ანაკლია-განმუხურში ელექტრონული მუსიკის ფესტივალი „Gem fest-
2016“ ჰოლანდიელმა არტისტმა Fedde Le Grand-მა დახურა.
ფესტივალის ორგანიზატორის გიორგი სიგუას განცხადებით, მცირე
ინფრასტრუქტურული ხარვეზების მიუხედავად, ფესტივალმა წარმატებით
ჩაიარა და მოლოდინსაც გადააჭარბა.
„ხარვეზები ბევრია, მე პირადად არასოდეს ვარ კმაყოფილი ჩემი
გაკეთებული საქმით, თუმცა გუნდმა ძალიან კარგად იმუშავა. მომავალი
კვირიდან ვიწყებთ 2017 წლის Gem Fest-თვის მზადებას , რომელიც უკვე
მესამე სეზონი იქნება და ნაკლებად გვაპატიებენ შეცდომებს, ამიტომ
ძალიან, ძალიან მაგრად უნდა მოვემზადოთ“,- აღნიშნა მან.
სიგუას თქმით, მომავალ წელს ერთთვიანი მუსიკალური ფესტივალი უფრო
მასშტაბური იქნება.
10-14 აგვისტოს ფესტივალის ფარგლებში, ღია ცის ქვეშ განთავსებულ ხუთ
სცენაზე ერთმანეთს Paul Van Dyk , Paul Kalkbrenner , Cosmic Gate ,
Gus Gus , Stephan Bodzin და სხვა ცნობილი შემსრულებლები
ენაცვლებოდნენ.
მასალის გამოყენების პირობები