ახალი ამბები
გაგრის სოფელი აიბგა „როსრეესტრში“ მითითებულია, როგორც რუსეთის ტერიტორია
აიბგას მთის კალთაზე მდებარე გაგრის რაიონის ნაწილი რუსეთის რეესტრის ბაზაში შეტანილია, როგორც რუსეთის ტერიტორია. სოფელი აიბგა განლაგებულია რუსეთ - აფხაზეთის საზღვარზე, რომელსაც მდინარე ფსოუ ჰყოფს. ის დასახლებულია ეთნიკურად რუსი მოსახლეობით. რუსეთის ოლიმპიადის დროს, სოფელი რუსი მესაზღვრეების კონტროლის ქვეშ აღმოჩნდა, რომლებმაც თავიანთი საგუშაგო საქართველოს ტერიტორიის სიღრმეში განათავსეს. ინფორმაციას cyxymu.info ავრცელებს.


ამავე წყაროს ცნობით, 2014 წლის რუსეთის ოლიმპიადის შემდეგ სოჭის მერი აიბღაში ჩავიდა და ადგილობრივ მოსახლეობას შეხვდა, ის მათ პრობლემების მოგვარებას დაპირდა. ყუბანის ტელევიზიის მიერ მომზადებულ მასალაში, აიბგაზე საუბარია, როგორც ადლერის რაიონში შემავალ დასახლებულ პუნქტზე, რამაც აფხაზეთის დე ფაქტო რესპუბლიკის პარლამენტის შეშფოთება გამოიწვია.

ამასთან ერთად, აფხაზეთის ტელევიზიის მიერ მომზადებულ სიუჟეტში ჩანს, რომ ადგილობრივი მოსახლეობა, რომლის წინაპრები ჩერქეზთა მუჰაჯირობის შემდეგ დაცლილ სოფელში ჩაასახლეს, თვლის, რომ სოფელი რუსეთის შემადგენლობაში უნდა შედიოდეს.
ვებ - პორტალის თანახმად, Google Maps - ში კრასნოდარის მხარის აღმნიშვნელი კოორდინატების 43.585401 40.242553 შეყვანისას, ჩანს, რომ ეს არის აფხაზეთი - რუსეთის მიერ ოკუპირებული საქართველოს ტერიტორია, რომელსაც საქართელო დროებით ვერ აკონტროლებს.

„როგორც ჩანს, აფხაზეთის დე ფაქტო რესპუბლიკის ხელისუფლებაც ვერ აკონტროლებს მას, რაკი ის „როსრეესტრის“ ბაზაში აღმოჩნდა“, - წერს პუბლიკაციის ავტორი.

1904 წელს ამჟამინდელი გაგრის რაიონი შავი ზღვის გუბერნიის შემადგენლობაში შევიდა, ხოლო თანამედროვე აფხაზეთის დანარჩენი ნაწილი ქუთაისის გუბერნიაში რჩებოდა.

1920 წელს საქართველოსა და საბჭოთა რუსეთს შორის დადებულ ხელშეკრულებაში ნათქვამია, რომ "საქართველოსა და რუსეთს შორის სახელმწიფო საზღვარი გადის შავი ზღვიდან, მდინარე ფსოუზე, ახახჩას მთაზე, ახახჩას მთიდან აგაპეტის მთაზე, ყოფილი შავი ზღვის, ქუთაისისა და თბილისის გუბერნიების ჩრდილოეთ საღვარზე, ზაქათალას ოლქამდე და ამ ოლქის აღმოსავლეთ საზღვარზე, სომხეთის საზღვრამდე".

1921 წელს საქართველოს ოკუპაციისა და ანექსიის შემდეგ, რუსეთის სსრ-სა და საქართველოს სსრ-ს საზღვარიც ამავე პრინციპით განისაზღვრებოდა. 1929 წელს რუსეთ - საქართველოს საზღვარი მდინარე ფსოუზე გაატარეს, თუმცა, აიბღას ნაწილი სოჭის რაიონის შემადგენლობაში რჩებოდა და საზღვარმა ის ორად გაჰყო.


Print Email
FaceBook Twitter
დღის სიახლეები
15 / სექტემბერი 2019
საქართველოს ბერძნულ-რომაული ნაკრების წევრები ხობელი ნუგზარ წურწუმია (55 კგ) და ლაშა გობაძე (82 კგ) ყაზახეთში
14 / სექტემბერი 2019
{{ARTICLEIMAGE}}ზუგდიდში, მუნიციპალიტეტის მერიის შენობის მიმდებარედ დასრულდა საპროტესტო აქცია „სირცხვილია“.
14 / სექტემბერი 2019
"სირცხვილია, ერთად ერთის წინააღმდეგ", - ამ სლოგანით ზუგდიდის მუნიციპალიტეტის მერიის შენობის წინ აქცია რამდენიმე წუთის წინ დაიწყო. ადგილობრივი აქტივისტები ამბობენ,
საზოგადოება
2019 წლის ოქტომბრის დასაწყისში ყველა პედაგოგს, რომელსაც აქვს სტატუსი და მინიმუმ 15 საგაკვეთილო საათი, ანაზღაურება 150 ლარით გაეზრდება.
აქცია „სირცხვილიას“ მონაწილეებმა პარლამენტის შესასვლელთან პროტესტის ნიშნად ცხვრები მიიყვანეს, რომლებიც მათი თქმით, „ქართული ოცნების“ დეპუტატებს განასახიერებენ.
კლინიკა მედი, როგორც საქართველოში, ასევე საზღვრებს გარეთ, 20 წელია რაც წარმატებით ფუნქციონერებს და ესთეტიკურ მედიცინაში ლიდერის პოზიციას ინარჩუნებს.
მთავარი საინფორმაციო გამოშვება
არქივი
«« სექტემბერი 2019 »»
262728293031 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 123456
ამინდი
ზუგდიდი 23 °C
img
სოხუმი 24 °C
img
ფოთი 21 °C
img
მესტია 14 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.