ზუგდიდში სასწრაფო დახმარების ეკიპაჟი ავარიაში მოჰყვა, რის შედეგადაც ექიმი და ექთანი დაშავდნენ. მათ ზუგდიდის რეფერალური ჰოსპიტალში შესაბამისი სამედიცინო კვლევები უტარდებათ.

„ამ წუთას კვლევები უტარდებათ. პაციენტების ჯანმრთელობის მდგომარეობა სტაბილურია“, - ამბობენ ჰოსპიტალში.

შსს ინფორმაციით, ავტოსაგზაო შემთხევაში სამი ავტომანქანა ფიგურირებს. უწყებამ გამოძიება 276-ე მუხლის პირველი ნაწილით, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.