ზუგდიდში საქართველოს პრეზიდენტობის კანდიდატის სალომე ზურაბიშვილის საარჩევნო ბანერებთან ერთად "ქართული ოცნების" თავმჯდომარის ბიძინა ივანიშვილის ბილბორდებიც გამოჩნდა.

ბანერები ჯერჯერობით ქალაქის მთავარ მოედანთან და ბულვარის მიმდებარედ არის განთავსებული. გარდა ამისა,  მოედანთან არსებულ მონიტორზე ვიდეორგოლი ტრიალებს , რომელშიც ბიძინა ივანიშვილი, თბილისის მერი კახა კალაძე, პრემიერ მინისტრი მამუკა ბახტაძე, პარლამენტის თავმჯდომარე ირაკლი კობახიძე, ჯანდაცვის მინისტრი დავით სერგეენკო და  პრეზიდენტობის კანდიდატი სალომე ზურაბიშვილი არიან გამოსახული.

ბიძინა ივანიშვილის და პარტიის სხვა ლიდერების პლაკატები პირველად თბილისსა და ბათუმში გავრცელდა.