ზუგდიდში, მარტვილსა და ფოთში ფეხბურთში ევროპის ჩემპიონატის პლეი ოფის ფინალის ყურება მსურველებს 21 საათიდან დიდ ეკრანებზე შეეძლებათ.

ზუგდიდში ასეთი სამი ლოკაციაა. "ახალგაზრდული სათათბიროს" ორგანიზებით, მატჩის ტრანსლირება მოსწავლე -ახალგაზრდობის სასახლეში გაიმართება. დიდ ეკრანზე თამაშის ყურება შესაძლებელი იქნება ბოტანიკური ბარის საკონფერენციო დარბაზსა და ზუგდიდი მოლშიც.

მატჩის ჩვენება ასევე გაიმართება მარტვილში, კულტურის სახლის მიმდებარედ და ფოთში, ცენტრალურ სტადიონთან.

საქართველო-საბერძნეთის მატჩი თბილისში, ბორის პაიჭაძის სახელობის დინამოს ეროვნულ სტადიონზე ხვალ საღამოს, 9 საათზე დაიწყება. გამარჯვების შემთხვევაში ისტორიაში პირველად ეროვნული ნაკრები ევრო 2024-ის ფინალურ ეტაპზე ითამაშებს.

21 მარტს, თბილისში, დინამო არენაზე საქართველო-ლუქსემბურგის საფეხბურთო ნაკრებებს შორის მატჩი საქართველოს ნაკრების გამარჯვებით, ანგარიშით 2:0 დასრულდა.

ფინალში ეროვნული ნაკრები ბუდუ ზივზივაძის პირველ და მეორე ნახევრებში გატანილი გოლებით გავიდა.


ფოტო: ეროვნული ნაკრები