რუხის მრავალპროფილურ კლინიკაში ამ დროისთვის 25 პაციენტი განაგრძობს მკურნალობას. აქედან, 11 კოვიდადასტურებული პირია. საავადმყოფოს კლინიკური დირექტორის ნიკოლოზ ქარცივაძის ინფორმაციით, ყველას პაციენტის მდგომარეობა სტაბილურია. მისივე თქმით, 11 ინფიცირებულიდან 6 მოზარდია, რომელიც ტრაილერის მძღოლის კლასტერს მიეკუთვნება.

„ორ პაციენტს შუალედური ტესტირება ჩაუტარდა, თუმცა მათი პასუხები დადებითი იყო, მკურნალობას გააგრძელებენ და მესამე ტესტირება გრაფიკის მიხედვით ჩაუტარდებათ“, - აღნიშნა ქარცივაძემ.

ინფორმაციისთვის, რუხის საავადმყოფოში 2 კოვიდინფიცირებული გამოჯანმრთელდა.