რამდენიმე დღეში ზუგდიდის თეატრი ახალ სეზონს "ანა ფრანკის დღიურით" გახსნის. როგორც სპექტაკლის რეჟისორმა გიორგი სიხარულიძემ დილის გადაცემაში სტუმრობისას აღნიშნა, სპექტაკლი გათვლილია ნებისმიერი ასაკის მაყურებელზე, განსაკუთრებით ახალგაზრდებზე, რადგან მისი შინაარსი, დღემდე აქტუალურია ყველასთვის. სპექტაკლი ზუგდიდისა და დმანისის თეატრების კოლაბორაციაა. ვრცლად საიუბილეო სეზონის გეგმებზე გვიყვება ადგილობრივი თეატრის სამხატვრო ხელმძღვანელი ლაშა შეროზია, ასევე რადიოს სტუმარია დმანისის თეატრის მსახიობი ანანო ლომიძე.