ფერმერი ჯამბულ ეხვაია წლებია ბიოლოგიურად სუფთა პროდუქტის წარმოებით არის დაკავებული. აფხაზეთიდან დევნილმა მშობლიურ მხარესთან ახლოს არჩია ცხოვრება და გამყოფი ხაზის გასწვრივ მდებარე, ზუგდიდის სოფელ ხურჩაში დასახლდა. ფერმერი ბიოპროდუქტის წარმოებას ასწავლის, როგორც ადგილობრივ მოსახლეობას, ასევე ეთნიკურ აფხაზებს. მისთვის მთავარი ურთიერთობებია და ამბობს, რომ აფხაზებთან მეგობრული კავშირი არასოდეს გაუწყვეტია.