ქალაქ ზუგდიდის მუნიციპალიტეტის საკრებულოს საანგარიშო სხდომას დიდი ბრიტანეთისა და ჩრდილოეთ ირლანდიის გაერთიანებული სამეფოს საგანგებო და სრულუფლებიანი ელჩი ალექსანდრა მერი ჰოლ ჰოლი დაესწრო.

სხდომა საკრებულოს  თავმჯდომარე მერაბ ქვარაიამ გახსნა, რის შემდეგაც საკრებულოს წინაშე ერთ წლიანი მუშაობის ანგარიშით  საკრებულოს თავმჯდომარე, თავმჯდომარის მოადგილე და სხვადასხვა ფრაქციების წარმომადგენლები წარსდგნენ. მათ სხვადასხვა შეკითხვებს უპასუხეს და შენიშვნები ჩაინიშნეს.

სხდომის ბოლოს საკრებულოს თავმჯდომარე მერაბ ქვარაიამ ბრიტანეთის ელჩს საჩუქრად ღვთისმშობლის კვართის ხატი გადასცა.

საკრებულოს დღევანდელ სხდომას მოქალაქეები, არასამთავრობო ორგანიზაციებისა და მედიის წარმომადგენლები დაესწრნენ.