ზუგდიდის ყველა ოლქში "ქართული ოცნების" კანდიდატებმა გაიმარჯვეს (ვიდეო)
14:05 / 31.10.2016
პარლამენტის არჩევნების მეორე ტურის კენჭისყრის პროცესი
დასრულდა.ზუგდიდის
#66-67 მაჟორიტარულ ოლქში „ქართული ოცნების“
კანდიდატმა - 69%, ხოლო „ერთიანი ნაციონალური
მოძრაობის“ კანდიდატმა 29% მიიღო. #65 მაჟორიტარულ
ოლქში 41 ნომრით წარდგენილმა კანდიდატმა 69%, 5 ნომრით წარდგენილმა,
კი 28% აიღო. რაც შეეხება გამგებლის არჩევნებს,
#67-ე საოლქო საარჩევნო კომისიას ხელმძღვანელის
მირანდა მესხის განმარტებით, მათ მხოლოდ 50 უბნის მონაცემები აქვთ,
რის მიხედვითაც, მართველი პარტიიდან წარდგენილმა კანდიდატს - 67%,
ხოლო ოპოზიციური პარტიიდან წარდგენილ კანდიდატს 30% ერგო. მისივე
განმარტებით, პირველ ტურთან შედარებით აქტივობა დაბალი იყო, თუმცა
არჩევნების ჩასატარებლად საკმარისი რაოდენობა მოვიდა.
„პირველ ტურში ამომრჩევლის 43% პროცენტი, ხოლო მეორე ტურში - 32%
მოვიდა, ეს მაჩვენებელი კი მეორე ტურისთვის საკმარისზე მეტია“, -
განაცხადა მირანდა მესხმა.
რაც შეეხება საჩივრების რაოდენობასა და მათ განხილვას, მესხის თქმით,
ამ ეტაპისთვის 12 საჩივარი ფიქსირდება ,
რომელიც პროცედურულ დარღვევებს ეხება.
„ჩვენ ორდღიანი ვადა გვაქვს ხმის დათვლის პროცედურებთან დაკავშირებით.
უბნის საჩივრებს კიდევ ერთხელ გადავხედავთ“,
- აღნიშნა მესხმა.
მასალის გამოყენების პირობები