სუს: დე-ფაქტო ხელისუფლება გიორგი ლუკავას გათავისუფლებაზე უარს აცხადებს (ვიდეო)
15:23 / 31.05.2017
გალში სამუშაო ჯგუფის მორიგი შეხვედრის დასრულების შემდეგ ენგურის
ხიდზე სუს-ის წარმომადგენელს გიორგი ლუკავას
მეუღლე შეხვდა. კახაბერ ქემოკლიძემ პატიმრის ცოლს უთხრა, რომ აფხაზური
მხარის ინფორმაციით, ლუკავას ჯანმრთელობის მდგომარეობა სტაბილურია,
თუმცა მის გათავისუფლებაზე დე-ფაქტო ხელისუფლება უარს აცხადებს.
მისივე განმარტებით, შეხვედრაზე კიდევ ერთხელ გააჟღერეს ქართული
მხარის პოზიცია, რომ გიორგი ლუკავა უკანონო პატიმარია და აუცილებლად
უნდა გათავისუფლდეს.
თავის მხრივ, ლალი ბასარიამ საქართველოს მთავრობა უმოქმედობაში
დაადანაშაულა და თქვა, რომ მათ საკუთარი მოქალაქეების ბედი არ
ანაღვლებთ.
ცნობისთვის, აფხაზეთის ომის მონაწილე გიორგი ლუკავა ოკუპირებულ
ტერიტორიაზე 5 წლის წინ დააკავეს და 20 წლით თავისუფლების აღკვეთა
მიუსაჯეს. აფხაზური მედიის მიერ გავრცელებული ინფორმაციის თანახმად,
მას "ბრალი ადამიანის მკვლელობასა და პარტიზანულ დაჯგუფება "ტყის
ძმებთან" კავშირში ედება".
მასალის გამოყენების პირობები