ზუგდიდში მიკროსაფინანსო ორგანიზაცია „ვივუსის“ ობიექტი დააყაჩაღეს. თვითმხილველების თქმით, ობიექტში, რომელიც მაღაზია „არაიში“ მდებარეობს, შეიარაღებული ნიღბიანი პირი შეიჭრა. 

შემთხვევა კვირას, დაახლოებით, 15:15 წთ-ზე მოხდა. წაღებულია 3 500 ლარამდე.

შს სამინისტროში რადიო „ათინათს“ განუცხადეს, რომ „ვივუსის“ დაყაჩაღებასთან დაკავშირებით ინფორმაცია არ აქვთ, თუმცა ადასტურებენ, რომ მაღაზიის დაყაჩაღების ფაქტზე საქმე სისხლის სამართლის კოდექსის 179-ე მუხლითაა აღძრული.

უწყების ცნობით, ჯერჯერობით, დამნაშავე დაკავებული არ არის და საგამოძიებო მოქმედებები მიმდინარეობს.

გუშინ, დღის განმავლობაში, ვივუსის ობიექტი არ მუშაობდა. მიკროსაფინანსო ორგანიზაციის აღნიშნულმა ფილიალმა მუშაობა დღეს გაანახლა.