სოხუმში, ეშბას ქუჩაზე მდებარე მსხვილ სავაჭრო ობიექტში ცეცხლი გაჩნდა. „აბხაზია ინფორმის“ ცნობით, ხანძრის შედეგად, 200 კვადრატული მეტრი ფართობი დაიწვა. განადგურებულია სუპერმარკეტ „სოხუმის“ ფასადი. ადგილზე 30-ზე მეტი მეხანძრე იყო მობილიზებული. ამ დროისთვის ხანძარი ლოკალიზებულია.

გამოცემის ინფორმაციით, დე ფაქტო აფხაზეთის საგანგებო სიტუაციათა სამსახურში თვითმხილველმა წუხელ, დაახლოებით, ღამის 2 საათზე დარეკა. ხანძრის გამომწვევი მიზეზები ჯერჯერობით დაუდგენელია.