ხვალ საღამოდან სამეგრელოსა და ზემო სვანეთში ნალექი და ტემპერატურის კლებაა მოსალოდნელი. გარემოს ეროვნული სააგენტოს ინფორმაციით, ზუგდიდში დღეს და ხვალ დღის პირველ ნახევარში უნალექო ამინდი იქნება, მოგვიანებით კი ტემპერატურა 3-4 გრადუსით დაიკლებს და იწვიმებს.

„ზუგდიდში ხვალ საღამოდან იწვიმებს, მესტიაში კი მოთოვს. 30 იანვარს მთელი დღე ითოვებს, 31-შიც თოვაა მოსალოდენელი“, - აღნიშნეს სააგენტოში.

არამდგრადი ამინდი სამეგრელოსა და ზემო სვანეთში უახლოესი დღეების განმავლობაში შენარჩუნდება.