თბილისში გამართულ საქართველოს სასკოლო ჩემპიონატში პირველობა ზუგდიდის საჭადრაკო სკოლის მოსწავლემ ნიკოლოზ შამათავამ მოიპოვა. აღნიშნული ტიტული მან 11 წლამდე ჭაბუკთა შორის მიიღო. შამათავამ 9 ტურიდან 8-ში გაიმარჯვა და 7 ქულით ჩემპიონი გახდა.

„თითქმის ყველა პარტია 4 საათს გრძელდებოდა, ძლიერი მეტოქეები მყავდა და ბედნიერი ვარ, რომ გავიმარჯვე" - თქვა ნიკოლოზ შამათავამ.

მასთან ერთად ტურნირზე მისი პედაგოგი მადონა ბოკუჩავაც იმყოფებოდა.

„ამ ტურნირისთვის განსაკუთრებულად ვემზადებოდით, დღეში სტაბილურად 5 საათი გამოგვდიოდა მეცადინეობა,ზოგჯერ მეტიც, ნამდვილად კარგ ფორმაში იყო. ტურნირი ძალიან დაძაბულად წარიმართა, ყოველ დღე თითქმის 4 საათი უწევდა ბრძოლა,მაგრამ ყველა პარტიაში დამაჯერებლად გამოიყურებოდა, საოცარი ბრძოლისუნარიანობა და თამაშის საკმაოდ მაღალი კლასი აჩვენა“, - აღნიშნა ბოკუჩავამ.

აღნიშნული ჩემპიონატი 6-დან 14 თებერვლის ჩათვლით 7, 9, 11 და 13 წლამდე ჭაბუკთა და გოგონათა შორის ჩატარდა.