ზუგდიდში მიკროავტობუსების მძღოლები მეოთხე დღეა გაფიცულები არიან (ვიდეო)
10:55 / 07.05.2018
რკინიგზის სადგურის მიმდებარედ მომუშავე საქალაქთაშორისო ავტობუსებისა
და მიკროავტობუსების მძღოლები გაფიცვას
განაგრძობენ. მათი მთავარი მოთხოვნა უცვლელია - შესაბამისმა უწყებებმა
დაადგინოს კერძო სადგურების გახსნის კანონიერების დადგენას
და მიზანშეწონილობა. აქციის მონაწილეები მიიჩნევენ, რომ ქალაქში
მოქმედი კერძო სადგურები უნდა დაიხუროს, რადან ისინი არ აკმაყოფილებენ
ავტოსადგურების ფუნქციონირების წესებსა და პირობებს.
"დაკავებულები სასამართლო პროცესის შემდეგ, გადავინაცვლებთ გუბერნიის
წინ და იქ გავაგრძელებთ საპროტესტო აქციას", - ამბობენ
გაფიცულები.
გარდა ამისა, ისინი ორი დღის წინ დაკავებული მძღოლების გათავისუფლებას
მოითხოვენ, თუმცა გმობენ ძალადობას.
ამ დროისთვის დედაქალაქის მიმართულებით რგინისგზის სადგურიდან მხოლოდ
ერთი ავტობუსი მოძრაობს.
რკინიგზის სადგურის მიმდებარედ მომუშავე საქალაქთაშორისო ტრანსპორტისა
და კერძო ავტოსადგურის მძღოლებს შორის ფიზიკური დაპირისპირება ორი
დღის წინ მოხდა. სამართალდამცავებმა ოთხი მათგანი დააკავეს. მათი
სასამართლო პროცესი, სავარაუდოდ, დღეს გაიმართება.
მასალის გამოყენების პირობები