ქალაქ ზუგდიდის მაჟორიტარი დეპუტატის მერაბ ქვარაიას ინიციატივით, სამხარეო ადმინისტრაციის შენობაში მიუსაფარი ძაღლების თავშეფასრის მოწყობასთან დაკავშრიებით შეხვედრა გაიმართა. არასამთავრობო ორგანიზაციის „ სოციალური პროგრამებისა და გნავითარების ცენტრის“ პრეზენტაციას მუნიციპალიტეტების წარმომადგენლები, მათ შორის, მერები დაესწრნენ.

„კვლევა მიგვანიშნებს, რომ დღემდე გადაუჭერელია მაწანწალა ცხოველების პრობლემა. ჯგუფ-ჯგუფად მოძრაობენ და მათი გაზრდილი რაოდენობა საფრთხეს უქმნის ადგილორბივებსაც და ტურისტებსაც. რეგიონის პრობლემაა, რომ არ გააჩნია მაღალი დონის სერვისი. გადავწყვიტეთ, გამოცდილი არასამთავრობო ორგანიზაციის დახმარებით რეგიონის ხელმძღვანელების წინაშე დაგვეყენებინა პრობლემა და გვემსჯელა ინტერმუნიციპალურ თავშესაფარზე“, - თქვა ქვარაიამ.

ორგანიზაციის წარმომადგენელმა შეკრებილებს კახეთსა და სამცხე-ჯავახეთში წარმოდგენილი პროექტი გააცნო, რომელიც აღნიშნულ რეგიონებში უკვე მოიწონეს და რომელთა ღირებულება, კახეთის შემთხვევაში მილიონ ლარზე მეტია.

„სამუშაო შეხვედრაზე ჩვენი ძალიან ზოგადი ფინანსები წარვადგინეთ და მუნიციპალიტეტებმა იმის მიხედვით უნდა მიიღონ გადაწყვეტილება, რა ბიუჯეტიც მათ გააჩნიათ. თუ იქნება მათი მხრიდან ინიციატივა, მზად ვართ ვიმუშაოთ, რომ კონკრეტულად რეგიონს მოვარგოთ პროექტი“ - აღნიშნა ორგანიზაციის პროექტების მართვის მენეჯერმა ლაშა გეგეჭკორმა.

ზუგდიდისა და აბაშის მერების უკმაყოფილება ფინანსურმა მხარემ გამოიწვია. მათი თქმით, მუნიციპალიტეტებს ამ ეტაპზე აღნიშნული თავშესაფრის მოსაწყობად და მისი მომსახურებით სარგებლობისთვის შესაბამისი სახსრები არ გააჩნიათ და კარგი იქნება, თუ პროეტქი მათ ბიუჯეტს იქნება მორგებული.

„ეს ჩვენთვის ძალიან მტკივნეული საკითხია, რომელიც მაწანწალა ცხოველებს ეხება. მათი წარმოდგენილი თავშესაფარი დიდ თანხებს მოითხოვს. კარგი იქნება, არსებული რესურსებიდან გამომდინარე მოხდეს შეჯერება და თანხების კორექტირება“, - თქვა აბაშის მერმა ლევან მაკალათიამ.

შეხვედრას არასამთავრობო ორგანიზაციების წარმომადგენლები და სამოქალაქო აქტივისტები დაესწრნენ. „საერთაშორისო გამჭვირვალობა - საქართველოს“ ზუგდიდის ოფისის კოორიდნატორის არჩილ თოდუას თქმით, პირველ ეტაპზე საჭიროა კვლევა, რომელიც მუნიციპალიტეტებს ცხოველთა რაოდენობის გარკვევაში დაეხმარება, რის შემდეგაც სხვა სამუშაოები უნდა დაიგეგმოს.

ცხოველთამოყვარულმა გვანცა ციმინტიამ კი წარმოდგენილი პროექტი მოიწონა, თუმცა საჯარო მოხელეებს კითხა, როგორ ხედავენ ისინი არსებული სიტუაციიდან გამოსავალს.

„როგორ ხდება ისე, რომ ყოველ ჯერზე, ტენდერს იგებს ყასაბი გიორგი მაღლაფერიძე. რა ხდება, ინაწილებთ თანხებს, თუ რაშია საქმე? გთხოვთ, ამაზე გამცეთ პასუხი“, - აღნიშნა ციმინტიამ.

შეკითხვა არ მოუსმენია ზუგდიდის მერს ლაშა გოგიას, რომელმაც შეხვედრა დროზე ადრე დატოვა, თუმცა ციმინტიას პასუხი მაჟორიტარმა გასცა.

„რა თქმა უნდა, მიუღებელია არაჰუმანური მოპყრობა და ამაში ვართ სოლიდარულები. ამიტომაც ვმსჯელობთ, რომ ვიპოვოთ სწორი მიმართულება. დარწმუნებული ვარ, შევთანხმდებით გარკვეულ სამოქმედო გეგმაზე და კონრეტულ ნაბიჯებს დავისახავთ“, - თქვა ქვარაიამ.

საბოლოოდ, შეხვედრის მონაწილეები შეთანმხდნენ, რომ, შესაძლოა, მომავალში კიდევ ერთი შევხედრა ამჯერად უფრო კონკრეტული ხედვებით გაიმართოს, რაც საბოლოოდ კონკრეტული გეგმის დასახვაში დაეხმარებათ.