ხობის მუნიციპალიტეტის სოფელ ხეთაში საცხოვრებელი სახლში გაჩენილი ხანძრის შედეგად სახლში მყოფი ხუთი ადამიანი დაშავდა, რომელთაგან ორი არასრულწლოვანია. საგანგებო სიტუაციების მართვის სამსახურის ინფორმაციით, სავარაუდოდ გაზი აალდა. " სავარაუდოდ, სახლში არ იმყოფებოდა არავინ, როდესაც დაბრუნდნენ და აანთეს შუქი, მოხდა აფეთქება. წინასწარი მონაცემებით დამწვრია 150 კვადარატი. ცეცხლი ლოკალიზებულია", - აცხადებენ უწყებაში. დაშავებულები ზუგდიდის რეფერალურ ჰოსპიტალში არიან მოთავსებული. მედიკოსების ინფორმაციით, ისინი გადაუდებელი მედიცინის განყოფილებაში არიან მოთავსებული. მათი ჯანმრთელობის შესახებ სხვა დეტალებზე ჯერ ვერ საუბრობენ.

შს სამინისტროში აცხადებენ, რომ გამოძიება 188-ე მუხლით დაიწყო, რაც ნივთის დაზიანებას ან განადგურებას გაუფრთხილებლობით გულისხმობს