შინაგან საქმეთა სამინისტრომ, საგზაო მოძრაობის უსაფრთხოების და მართლწესრიგის დაცვის მიზნით, ზუგდიდის მუნიციპალიტეტში დამატებით სიჩქარის მზომი სექციური რადარები აამოქმედა. ინფორმაციას შს სამინისტრო ავრცელებს.

ახალი სექციური რადარების ზუგდიდის მუნიციპალიტეტის შემდეგ ადგილებში განთავსდა:

თბილისის-სენაკი-ლესელიძის საავტომობილო გზის 320-ე კმ-დან (ზუგდიდი, სოფ. ცაიში) - თბილისის-სენაკი-ლესელიძის 325-ე კმ-მდე (ზუგდიდი სოფ. ჭითაწყარი) - ნებადართული სიჩქარე 60 კმ/სთ.

თბილისის-სენაკი-ლესელიძის საავტომობილო გზის 325-ე კმ-დან (ზუგდიდი, სოფ. ჭითაწყარი) - თბილისის-სენაკი-ლესელიძის 320-ე კმ-მდე (ზუგდიდი, სოფ. ცაიში)- ნებადართული სიჩქარე 60 კმ/სთ.

უწყების ცნობით, „ჭკვიანი“ ვიდეოკამერების და სიჩქარის მზომი სექციური რადარების მთელი ქვეყნის მასშტაბით დამონტაჟება გრძელდება.

ამ დროისთვის საქართველოს მასშტაბით ჯამში 88 კამერა ფუნქციონირებს.