ზუგდიდის ინფექციურ საავადმყოფოში წითელას ვირუსის შემთხვევებმა იმატა. საავადმყოფოს პრესსამსახურის ინფორმაციით, ბოლო ერთი კვირის განმავლობაში საავადმყოფოს 34 პაციენტმა მიმართა. რაც შეეხება ბოლო პერიოდის შემთხვევებს, ექიმ-ინფექციონისტ მარინა ქილორავას, თქმით, ერთი თვის განმავლობაში ინფექციურ საავადმყოფოში წითელას სიმპტომებით 95 ადამიანი დარეგისტრირდა.

„ამჟამად სტაციონარულ მკურნალობას წითელას ვირუსზე 8 ადამიანი გადის. მათი ჯანმრთელობის მდგომარეობა სტაბილურია. თითქმის ყოველდღიურად ინფექციური საავადმყოფო  წითელას დიაგნოზით საშუალოდ 8-10 პაციენტს ღებულობს. მათ არ აღენიშნებათ გართულებები. აქედან გამომდინარე, სტაციონარულ მკურნალობას მათგან მხოლოდ გამონაკლისები გადიან. რაც შეეხება აცრებს, საავადმყოფო მომარაგებულია ვაქცინებით და შესაბამისად კეთდება აცრებიც", -თქვა  ქილორავამ.


ამავე თემაზე:

ზუგდიდის ინფექციურ საავამდყოფოში წითელას ვირუსით 8 პაციენტი მკურნალობს