გაგრაში გაჩენილი ხანძრის შედეგად ერთი ქალი დაიღუპა (ვიდეო)
14:26 / 03.01.2020
გაგრაში კერძო სახლში გაჩენილი ხანძრის შედეგად ერთი ადამიანი დაიღუპა. ამის შესახებ ინფორმაციას აფხაზეთის დე ფაქტო რესპუბლიკის საგანგებო სიტუაციების სამინისტრო ავრცელებს.
შემთხვევა 2 იანვარს, დაახლოებით, 20 საათზე მოხდა. „ქალი, რომელიც ხანძრის შედეგად დაიღუპა, მწოლიარე ავადმყოფი იყო და ცეცხლმოკიდებული ნაგებობიდან გამოსვლა ვერ მოახერხა“, - ამის შესახებ აფხაზურ მედიას გაგრის რაიონის სამაშველო - სახანძრო სამსახურის უფროსმა ამირან ფაჩულიამ განუცხადა. მისივე ცნობით, ადგილზე 7 ბრიგადა მუშაობდა, რადგან არსებობდა ხანძრის მთელს უბანში გავრცელების საშიშროება.
ცეცხლმა ნაწილობრივ დააზიანა ახლომდებარე სახლები. ამავე ცნობით, დამწვრობა მიიღო ორსართულიანი სახლის მეპატრონემ. ხანძრის გამომწვევი მიზეზები დგინდება.
მასალის გამოყენების პირობები