სოფელ მულახში მომხდარ მკვლელობაში ბრალდებული სამართალდამცველებს წუხელ, გვიან ღამით ჩაბარდა.  ინფორმაციას საქართველოს პროკურატურაში ადასტურებენ. ამავე ცნობით, დამატებით დეტალებთან დაკავშირებით განცხადება მოგვიანებით გაკეთდება. 

დანაშაულის ჩამდენი პირის დაკავების მიზნით სამძებრო ღონისძიებები 3 დღის განმავლობაში გრძელდებოდა.

მესტიის მუნიციპალიტეტში სასაზღვრო პოლიციის თანამშრომლებმა ერთმანეთს ცეცხლი გაუხსნეს. შემთხვევის შედეგად ერთ-ერთი პოლიციელი დაიჭრა და მესტიის საავამდყოფოში სიცოცხლესთან შეუთავსებელი დაზიანებით გარდაიცვალა.

აღნიშნულ საქმეზე გამოძიება სამეგერელო-ზემო სვანეთის საოლქო პროკურატურამ სისხლის სამართლის კოდექსის 108-ე და 236-ე მუხლებით  დაიწყო, რაც განზრახ მკვლელობას და ცეცხლსასროლი იარაღის მართლსაწინააღმდეგო შეძენა-შენახვა-ტარებას გულისხმობს.