აფხაზეთის დე ფაქტო რესპუბლიკის პრეზიდენტი სირიაში ჩავიდა. ასლან ბჟანიას "ოფიციალური ვიზიტის" შესახებ მისი პრესსამსახური ავრცელებს ინფორმაციას. აფხაზური დელეგაცია, რომლის შემადგენლობაში "პარლამენტის და მთავრობის წევრებიც არიან, შეხვედრებს დღეიდან, 17 მაისიდან გამართავს", - ნათქვამია განცხადებაში.

ამავე ცნობით, ვიზიტის ფარგლებში დაგეგმილია ასლან ბჟანიას შეხვედრა სირიის პრეზიდენტ ბაშარ ასადთან და "აფხაზეთ-სირიის მთავრობათაშორისი კომისიის პირველი სხდომა".

სირიის არაბთა რესპუბლიკამ აფხაზეთის დამოუკიდებლობა 2018 წლის მაისში აღიარა.