სოხუმში, ყოფილი საკონდიტრო ქარხნის შენობაში გაჩენილი ხანძარი ლოკალიზებულია, ინფორმაციას აფხაზეთის დე ფაქტო რესპუბლიკის საგანგებო სიტუაციების სამინისტრო ავრცელებს. ამავე ცნობით, ხანძარი 13 ივნისს, დღის საათებში გაჩნდა. ადგილზე მობილიზებული იყო სახანძრო-სამაშველო სამსახურის 8 ბრიგადა.

უწყების მიერ გავრცელებული ინფორმაციის თანახმად, ხანძარმა შენობის ზედა სართულები მოიცვა, თუმცა, შემთხვევის შედეგად არავინ დაზარალებულა. ჯერჯერობით უცნობია ცეცხლის გაჩენის მიზეზი.