ზუგდიდი - თბილისი და თბილისი - ფოთის მიმართულებით მოძრავი მატარებლები, ხარაგაულის სოფელ მოლითში ჩამოწოლილი მეწყრის გამო, მოძრაობას ვერ გააგრძელებენ. " საქართველოს რკინიგზის" განცხადებით, შემადგენლობები საწყის სადგურებში დაბრუნდებიან.

"აღნიშნული რეისების შესრულება დამოკიდებულია ამინდზე, მატარებელთა მოძრაობა განახლდება ლიანდაგის სრულად გაწმენდისთანავე,"  - ნათქვამია განცხადებაში.

ამავე ინფორმაციით, დასავლეთ საქართველოში არსებული უამინდობის გამო, ხვალ 7 თებერვალს, უქმდება თბილისი - ზუგდიდისა და ფოთი - თბილისის რეისებიც.

გაუქმებული რეისების ბილეთების საფასური მგზავრებს სრულად აუნაზღაურდებათ.