ზუგდიდში კორონავირუსის 2 ახალი შემთხვევა გამოვლინდა. ერთი მათგანი 50 წლამდე მამაკაცი ოქროს ბირჟაზე მუშაობს, მეორე კი 72 წლის ქალი უმუშევარია. ამ დროისთვის ინფიცირებული მამაკაცის 45 კონტაქტია გამოვლენილი და მიმდინარეობს ღრმა ეპიდკვლევა.

რაც შეეხება მეორე დადასტურებულ პირს, მას 25-მდე კონტაქტი ჰყავს და ამ შემთხვევაშიც მიმდინარეობს დამატებითი კვლევები. ინფორმაციას სამხარეო ადმინისტრაცია ავრცელებს.

ამავე ცნობით, ოქროს ბირჟა, რომელიც მდებარეობს რუსთაველის #94 - ში დროებით დაიკეტა და ყველა თანამშრომლის ტესტირება მიმდინარეობს.  ტერიტორიაზე ტარდება სადეზინფექციო სამუშაოები.