ქუთაისის შემდეგ აქციამდე ერთი დღით ადრე ზუგდიდშიც გამოჩნდა სტენსილ რომელზეც გარდაცვლილი დემურ სტურუას სიტყვები მისივე ხელწერითაა დატანილი. 

"დემურ სტურუასთვის, პოლიციური ძალადობის წინააღმდეგ!"- აქცია მოძრაობა "თეთრი ხმაურის" მიერ შაბათს სამტრედიაში დაიგეგმა.

22 წლის ახალგაზრდის თვითმკვლელობამდე მიყვანის საქმეზე გამოძიებას დასავლეთ საქართველოს საოლქო პროკურატურის საგამოძიებო ნაწილი აწარმოებს. გამოძიება სისხლის სამართლის კოდექსის 333-ე (უფლებამოსილების გადამეტება) და 115-ე (თვითმკვლელობამდე მიყვანა) მუხლებით მიმდინარეობს.

"დემურ სტურუას თვითმკვლელობის აქტი საპროტესტო გზავნილია, რომელიც თითოეულ მოქალაქეს მოგვემართება. სახელმწიფოს მიერ განხორციელებული უგუნური პოლიციური ძალადობა საკადრის პასუხს საჭიროებს," - ნათქვამია აქციის ფეისბუქ გვერდზე.

ფოტოს ავტორი: მიშკა ძიძიგური