ოკუპირებული აფხაზეთიდან გადმოყვანილი ორი ბავშვი, მამასთან ერთად, ზუგდიდის ინფექციურ საავადმყოფოში მოათავსეს. წალენჯიხის მერის, ბესიკ ფარცვანიას ინფორმაციით, მცირეწლოვნებს მაღალი ტემპერატურა უფიქსირდებათ.

პაციენტებს წყოუში-საბერიოს ადმინისტრაციულ საზღვართან ინფექციური საავადმყოფოს მედპერსონალი სპეციალური ეკიპირებით დახვდა.

აღნიშნულ საავადმყოფოში ორი პაციენტი მკურნალობს, რომელთაც კორონავირუსი დაუდასტურდათ. ერთ-ერთი აფხაზეთიდანაა, მას ვირუსი წუხელ დაუდასტურდა, ხოლო მეორე პაციენტს 25 მარტს.